اضحك وفكها نكت مفيش زيها

1- اصطحب أحمقان وبينما هما يمشيان في الطريق يوما قال أحدهما للآخر تعال
نتمنى . فقال الأول أتمنى ان يكون لي قطيع من الغنم عدده 1000 وقال الآخر
اتمنى أن يكون لي قطيع من الذئاب عدده 1000 ليأكل أغنامك ، فغضب الأول
وشتمه ثم تضاربا ، مر جحا وسألهما فحكيا له قصتهما وكان جحا يحمل قدرين
مملوءين بالعسل فأنزل القدرين وكبهما على الأرض وقال لهما اراق الله دمي مثل
هذا العسل إن لم تكونا أحمقين
—————————————–
3- بخيل واقف فى البلكونة… ابنه جاى من بعيد يقول له بابا بابا بابا … قاله:
يا ابن الكلب بابا واحده كفاية.
————————————–
4- قال بخيل لأبنائه : من ينجح منكم سأريه سيارة الأيس كريم.
—————————————–
5- امرأة بخيلة قالت لولدها يا محمد روح اشتري ثلاثة رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يا محمد رجع الرغيف الثالث أبوك مات.
—————————————–
6- بخيل يوم مات لقوا وصيته ( انا متسبح لا تغسلوني )
—————————————–
7- بخيل أخذ ولده الى السوبر ماركت، أخذ الولد بسكوت وشوكلاتة قال يابابا
ابحبه قال الاب بوسه ورجعه.
—————————————–
8-كان أحد البخلاء على فراش الموت وأخذ يسأل عن أبناءه، أين محمد ؟ قال
محمد: نعم يا أبي… وأين محمود ؟ رد محمود باكيا، انا هنا يا ابي… الأب: ما
هذا انتم الاثنان هنا، اذا من يقف في المصنع ؟!
—————————————–
9–بخيل اتزوج بخيلة جابوا بنت سموها حصالة.
—————————————–
10-اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها.
—————————————–
11-قال الطبيب للبخيل: خذ من هذا الدواء أربع ملاعق كل يوم. فرد البخيل: لكن
يا دكتور لا يوجد عندي إلا ملعقتين فقط! فما العمل ؟
—————————————–
12- البخيل: حظي سيئ!! الصديق: ولماذا ؟ البخيل: لأن الصيدلية التي بجوارنا
أعلنت عن تخفيضات وليس فينا أحد مريض.
—————————————–
13- تراهن بخيلان على من يبقى تحت الماء أكثر من الآخر يدعوه للعشاء…
فلم يخرج أحد منهما حتى الآن.
—————————————–
14- مرة بخيل طب في حفرة فتجمع عليه الناس علشان يساعدوه… المهم انه
في الاخير ما كان راضي انه يطلع فجاهم واحد و سألهم عن هذا الشخص البخيل،
قالوله احنا قاعدين نقوله اعطنا يدك اعطنا يدك وهو رافض. قال بسيطه… خذ
ايدي… فطلع البخيل.
—————————————–
15- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.
—————————————–
16- أعطت إمراءة بخيله ابنها ريالاً وقالت له: أذهب واشتري خبزاً… لكن يا ويلك
اذا ضاع الريال منك. و في الطريق للمخبز شاهد الولد سياره تصدم أبوه… فذهب
مسرعاً إلى أمه البخيله وقال لها: امي امي .. الحقي .. أبي صدمته سياره!!
فقالت: اوووه .. بسيطه .. ظننت أن الريال قد ضاع منك.
——————————————
17-اجتمع ثلاثة من البخلاء وقرروا التبرع بجزء من مالهم بعدما كثر كلام
الناس عليهم. قال البخيل الأول: سأرسم دائرة على الأرض وأرمي المال في
السماء فالمال الذي يسقط بداخلها لي والمال الذي يسقط خارجها للفقراء!! قال
الثاني: أما أنا فسأرسم خطاً على الأرض وأرمي المال في السماء فالمال الذي
على يمين الخط لي والمال الذي على شمال الخط للفقراء!! فقال الثالث ( وكان
أشدهم بخلاً): أما أنا فسأرمي المال في السماء فالمال الذي يسقط على الأرض لي
والمال الذي يبقى في السماء فللفقراء
—————————————–
18- في مرة واحد ندل راح ع المقابر وحط شريط الحياة حلوة
—————————————–
19- في عجوزة راحت الغابه شافها الاسد قالت له لا تاكلني ؟قالها لا تخافي ما اكل
نواشف
—————————————–
20- واحد أخذ الدواء قبل ميعاده ليش؟؟؟ علشان يفاجئ الجراثيم
—————————————–
21- فيه شىء اسود يمشى على الجدار ويقول : ميووو…ايش يكون؟؟؟ غراب
بيستهبل
—————————————–
22- فيه نقطة زرقا على الحيطة ايه هي ؟؟؟ نملة لابسة جينز
—————————————–
23- واحد ندل اختلف مع ابوه طلع من البيت وكتب عليه هنا مقر طالبان
—————————————–
24- بخيل بنى مـسـجـد شـاف الناس اللي بيدخلوه كثير قـلـب
الـمـسـجـد مـطـعـم
—————————————–
25- اسد وكلب اتفقوا ان كل واحد يضرب الثاني علي قفاه بدأ الكلب وضرب
الاسد ولما جاء الدور علي الاسد الكلب جري والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد
—————————————–
27- مجانين حط لهم الدكتور أغنيه … قامو يرقصون الا واحد !! قال له
الدكتوور ليه ما ترقص قال اصل انا العروسة
—————————————–
30- مره واحدة عجوزة عندها 80 سنة لقت مصباح علاء الدين طلع لها الجنى
طلبت منه تصغر 30 سنة بقى عندها 50 سنة وطلبت منه يصغرها 20 سنة
بقى عندها 30 سنة طلبت منه يصغرها 10 سنين بقى عندها 20 سنة طلبت منه
يصغرها 10 سنين جلها الحصبة ماتت
—————————————–
31- مرة ديك بيقول لفرخة تتجوزيني عرفي قالت له ده بابا يدبحني
—————————————–
32- مهندس كمبيوتر، حلل دمه، طلعت فصيلته HP
—————————————–
33- كلب شوارع مر من جانب مركز شرطة شاف كلب بوليسي قال آخ لو كملت
تعليمي
34- مرة واحد بيحلم كل يوم بماتشات كتاكيت… راح للدكتور… فقاله هديلك
حقنة دلوقتي ومش هاتحلم بيهم تاني خالص… قاله
خليها بكرة يا دكتور علشان النهاردة الماتش النهائي
—————————————–
35- واحد بتاع فيديو جيم مات كتب علي قبره جيم أوفر
—————————————–
36- مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس … يالهوي وعملتي إية .. عملت بامية وامري لله
—————————————–
37- واحد سباك نفسه اتسدت غرقت الشقة
—————————————–
38- في مجموعة بخلاء مشوا على الكورنيش لقيوا لوحة مكتوب عليها منطقة
قروش قاموا كلهم نطوا في البحر
—————————————–
40- طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت … راح الطفل حاطط شوية سكر تحت السجادة… يومين و
لاقى صرصار فقال له لو مكنتش ابنى كنت قتلتك
—————————————–
41- واحد قال لخطيبته أنتي لبن أنتي قشطة أنتي حليب أو أقول لك ؟ أنتي البقرة
كلها
—————————————–
42-غبى شاف مقهى انترنت مكتوب عليه الساعه بــ 3 جنيه …. دخل يسأل
هي ضد الماية ؟؟
—————————————–
45- كان أحد البخلاء متضايقاً وحزيناً ، فسأله زميله : ما بك ؟
فقال البخيل : لقد انكسرت سنة من أسنان مشطي .وأنا أريد تسريح شعري .
الزميل : ألا يمكنك استخدام المشط دون هذه السنة ؟
البخيل : لا … لأنها كانت السنة الأخيرة !!!
—————————————–
47- مرة اربع صاعيدة داخلين امتحان فاجلهم سؤال فى الامتحان وهو كام
عدد أرجل المعزة فكلهم سألوا صاحبهم حسنين وما كنش بيرد عليهم فالما خلص
الامتحان قالوا له انت ما قولتيلناش لية قالهم المراقب كان جنبى ومعرفتيش اطلع
المعزة هههههههه
—————————————–
48- جماعة صعايدة بيلعبوا كهرباء على الطريق السريع اللى تخبطه عربية
يطلع بره
—————————————–
49- مرة تلاتة صعايدة راحوا محطة القطار لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه بتضحك ليه قالهم اصل انا اللى مسافر والاتنين التانين جايين
يودعونى
—————————————–
50-صعيدى راكب تاكسى السواق نزل يحيب علبة سجاير لاقاة خلع عصاية
الفتيس
سالة لية خلعتها
قلة شفتك عمال تلخلخ فيها قلت لما اشلهالك علشان متتعبش
—————————————–
51- مرة اثنين ساكنين فى ناطحات سحاب لكن المصعد كان معطل فطلعوا على
رجليهم فوصلوا الى الدور 99 فقال واحد للاخر عندى خبرين الاول حلو والثانى
وحش الحلو ان احنا وصلنا الى الدور 99 والوحش ان العمارة مش بتاعتنا
____
52- صعيدي عنده أرق مش قادر ينام صحبه قال له عد لغاية 500 بدأ يعد ولمن
نعس راح غسل وشه وجا يكمل للـــ 500
—————————————–

53– تلاتة اندال اتفقوا يشوفوا مين اكتر ندل الاول شاف رجل عجوز
عايز يعدي الشارع مسك ايده و سابه في نصف الشارع والتاني عداه وضربه
التالت ضحك وقال انا أكبر ندل الرجل ده يبقي ابويا
—————————————–
54- واحد بلدياتنا كان قائد فى الجيش و قدامه أربع صفوف عساكر ….واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
….و إدور على الصف التالت قام واحد خاف و قاله انا اللى عطست ياباشا…قاله
القائد يرحمكم الله
—————————————–
55- سألوا صعيدى : ليه قتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه قتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
—————————————–
56- مرة واحد مسطول قال لواحد مسطول تاني يلا نسرق العمارة دي فرد التاني
:نوديها بعيد الأول علشان محدش يوشفنا وبعدين خلعوا هدومهم وحطوها وراهم
وأعدوا يزقوا بعدين جاء حرامي وسرق هدومهم فواحد بص وراه ملقاش الهدوم
فأل للتاني كفاية كده إحنا بعدنا قوى
—————————————–
57- مرة واحد ظريف عاش في الدور. وواحد أظرف منه عاش في الدور اللي فوقه
—————————————–
58- مره واحد فتح التلاجة شاف الجيلي بيرتعش قال له متخافش هشرب مياه
—————————————–
59- مرة صعيدى راح يكشف على ابنة الدكتور
غاب نصف ساعة و رجع قال لة البقية فى حياتك رجع الولد لأبوه لا لا لا يابا أنا
ممتش
قال له اتنيل على عينك هتفهم احسن من الدكتور
—————————————–
60- مرة واحد عداه العيب خد اللي بعده.
—————————————–
61- مرة واحد دماغه لفت قابلها من الشارع التاني.
—————————————–
62- واحد اتجوز واحدة اسمها نعمة باسها وش و ظهر.
—————————————–
63- مدير مدرسة عمل فرح وزع على المعازيم أرقام جلوس.
—————————————–
64- واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.
—————————————–
65- مدرس جغرافيا جاب لمراته هدية سلسلة جبال.
—————————————–
66- واحد بلدياتنا نزل محطة مصر لقى بتاع الأنابيب بيخبط عليها، قال له إفتحى واحدة ساقعة لو سمحت.
—————————————–
67- مرة اتنين مساطيل قاعدين بيحششوا قدام نشرة الأخبار في التليفزيون
فنشرة الأخبار طولت، راح الأول قال للثاني: هيه ليه نشرة الأخبار طولت النهاردة
كدة؟ رد عليه الثاني و قال: معلش أصل شكلها كدة النهاردة آخر حلقة.
________________________
اتنين بلدياتنا فكروا يلعبوا شطرنج … الملك ضرب نفسه بالنار.
—————————————–
68- مرة سواق تاكسي قابل واحد مسطول قال له تاخد كام و توديني فين؟؟
السواق رد عليه و قاله: هات اللي تجيبه و انزل هنا.
—————————————–
69- مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.
—————————————–
70- مرة سواق تاكسي داس بنزين موته.
—————————————–
71- مرة سواق تاكسي داس فرامل فعصه.
________________________
72- واحد بلدياتنا عاوز يفسح عروسته في شهر العسل، فسحها في منحل.
—————————————–
73-مرة واحد تعب من المشى طلع يجرى
—————————————–
74- تلاتة بيحششوا حصل كبسة عليهم اتنين هربوا والتالت استخبى في البوكس
—————————————–
75-واحد بلديتنا راح امريكا لقى كل الشباب لابسين تشيرت مكتوب علية سفن
اب كوكاكولا – بيبسي
راح كتب على الجلابية عصير قصب
—————————————–
76-دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
—————————————–
77- في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
—————————————–
78- واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟ 17-1–26-2-2005

—————————————–
79- مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
—————————————–
80- واحد سنانه كلها طايرة ما عدا الانياب… قدم علي وظيفة عينوه خرامة
—————————————–
81- مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
—————————————–
82- مرة 5 دخلوا كلية الهندسة اثنين طلعوا مهندسين وثلاثة مدينة نصر
—————————————–
83- زوجه خوافه قوى كل يوم وهيه نايمة جنب جوزها تقولهاالحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
—————————————–
84- مرة واحد عجلاتى قعد على قهوة طلب كاوتشينو
—————————————–
85- كمسري أبوة مات ماشى في الجنازة يقول يا حضرات الجنازة فاضية آدام
—————————————–
86- واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ….راح قعد مكانها
—————————————–
87- مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع
النسيان الدور الثالث شقة 5 اه يا جوزززززززززززززززززي
—————————————–
88- في واحد دلوع اوي, دخلوه اهله الجيش , سأله القائد : تعمل ايه لو قابلت العدو
… قال : ارمي السلاح في وشه و اقولوا اكرهك اكرهك اكرهك
—————————————–
89- تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
—————————————–
90- واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه.
—————————————–
91- مرة واحد نزل محطة الرمل رجله غرزت
—————————————–
92- شرطي مرور خلف واد بيتكلم بالاشارة
—————————————–
مرة واحد راح الجهاديه طلع من الجهة التانيه
—————————————–
93- مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه….. فقال له المفتش انتو ما بتفهموش حاجة الكتاكيت دي بتاكل علف…….. وراح عمله غرامة 1000 جنيه…. راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
—————————————–
94- واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعه
فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
—————————————–
95- واحد راح الصيدلية وقال للدكتور : عايز لبن اطفال ….. الدكتور: اسمه ايه !؟
,,,,,, الراجل : اسمه اشرف
—————————————–
96- بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا
قاعدين نقوله هات ايدك هات يدك وهو رافض، قال بسيطه ، راح عند البخيل وقال
له خذ ايدي …………….فطلع البخيل
—————————————–
97- كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه
—————————————–
98- فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
—————————————–
99- مرة واحد حب… كلته الفراخ
—————————————–
100- مرة اتنين ماشيين ف الصحرا… طلع عليهم اسد… راح واحد منهم رمي عليه
طوبة وطلع يجرىىىىىى… وبص وراه لقي صاحبه واقف ما بيجريش… قال
له مش بتجري ليه؟ قال له واجري ليه؟ هو انا اللي ضربته؟؟؟؟؟

اضحك الله سنك اخى الريانى